បរទេស៖ ខ្សែប្រយុទ្ធក្រុម Liverpool កីឡាករ Darwin Nunez បានទទួលរងការរិះគន់ជាច្រើនចំពោះទម្រង់លេងយ៉ាងអាក្រក់របស់គាត់ចាប់តាំងពីបានចូលរួមជាមួយក្លឹប ហើយឥឡូវនេះក្រុមហង្សក្រហមត្រូវបានជំរុញនាំយកកីឡាករ Alexander Isak របស់ក្លឹប Newcastle United មកជំនួសគាត់។
អតីតវីរៈបុរសរបស់ក្លឹប Liverpool លោក John Arne Riise បាននិយាយប្រាប់ The Mirror ថា៖ “ខ្ញុំបានឃើញពាក្យចចាមអារ៉ាមដែលនិយាយថាគាត់ក៏ពេញចិត្តក្នុងការផ្ទេរមកកាន់ក្លឹប Liverpool ផងដែរ។ ខ្សែប្រយុទ្ធគ្រប់រូបចង់ទៅ Liverpool នៅពេលនេះ នៅពេលដែលពួកគេកំពុងលេង ប៉ុន្តែខ្ញុំគិតថាវាអាចក្លាយជាការបន្ថែមដ៏ល្អមួយសម្រាប់ក្រុមទាំងមូល”៕
