បរទេស៖ វីរបុរសក្រុមហង្សក្រហម Liverpool លោក Robbie Fowler បានជំរុញឱ្យក្លឹបចុះហត្ថលេខាលើកីឡាករ Ollie Watkins ជំនួសឱ្យការចុះហត្ថលេខាយកខ្សែប្រយុទ្ធក្រុម Newcastle គឺកីឡាករ Alexander Isak ។
ថ្លែងទៅកាន់ The i Paper អតីតខ្សែប្រយុទ្ធ Liverpool បាននិយាយថា៖ “វាជារឿងដ៏លំបាកមួយ ព្រោះក្នុងនាមជាអ្នកគាំទ្រ អ្នកចង់ឱ្យពួកគេចុះហត្ថលេខាលើកីឡាករគ្រប់រូបនៅក្រោមពន្លឺថ្ងៃ! ប្រសិនបើអ្នកមិនចុះហត្ថលេខាលើកីឡាករទេ អ្នកនឹងប្រថុយនឹងការដើរថយក្រោយ។ ប្រហែលជា [Darwin] Nunez នឹងក្លាយជាឈ្មោះក្នុងបញ្ជីក្រុមមួយចំនួនចង់បាន ដោយសារតែគាត់មិនបានលេងគ្រប់ប្រកួតដែលខ្លួនចង់បាន ដូច្នេះអ្នកសន្មត់ថា Liverpool នឹងព្យាយាមនាំយកកីឡាករលេខ៩ ថ្មី។ បញ្ហាគឺក្លឹបដឹងថាពួកគេមានសក្តានុពលក្នុងការស្វែងរកកីឡាករលេខ៩ ដូច្នេះតម្លៃនឹងក្លាយទៅជាបញ្ហា។ ប្រសិនបើអ្នកក្រឡេកមើល [Alexander] Isak គាត់នឹងមានតម្លៃលើស ១០០លានផោន។ គាត់ជាកីឡាករដ៏អស្ចារ្យម្នាក់ ប៉ុន្តែ Liverpool ប្រហែលមិនចង់ចំណាយនោះទេ ហើយពួកគេនឹងមើលនៅជុំវិញនោះវិញ។ អ្នកអាចមើល Ollie Watkins ។ គាត់ពិតជាមិនសមនឹងទម្រង់ដែលក្លឹប Liverpool ចង់បាននោះទេ ដោយគាត់មានអាយុ [២៩ឆ្នាំ] ប៉ុន្តែខ្ញុំនឹងផ្ទេរយកគាត់ពីរបីឆ្នាំ ព្រោះគាត់ជាកីឡាករដ៏អស្ចារ្យម្នាក់ ហើយបានសំខាន់ និងមានបទពិសោធន៍ក្នុង Premier League”៕
