បរទេស៖ ក្លឹប Chelsea មានការចាប់ផ្តើមដ៏អស្ចារ្យក្រោមការដឹកនាំរបស់ Maresca ក្នុងរដូវកាលនេះ ខណៈដែលក្រុមតោខៀវមើលទៅជាគូប្រជែងដ៏មានសក្តានុពលសម្រាប់ពានរង្វាន់ Premier League ។ ទោះជាយ៉ាងណាក៏ដោយ ទម្រង់លេងនោះបានធ្លាក់ចុះនៅពាក់កណ្តាលរដូវកាលនេះ ខណៈដែលពួកគេកំពុងព្យាយាមស្វែងរកគ្រាប់បាល់ ដោយកីឡាករ Cole Palmer និង Jackson ជាកីឡាករដែលមានភាពភ្លឺស្វាងកាលពីដើមរដូវកាល។
ក្លឹប Chelsea បានពឹងផ្អែកខ្លាំងលើកីឡាករ Jackson ក្នុងរដូវកាលនេះ ហើយជាមួយនឹងកីឡាករ Marc Guiu ដែលជាកីឡាករបម្រុងតែម្នាក់គត់សម្រាប់តំណែងខ្សែប្រយុទ្ធ ដែលមិនបានរងរបួសចាប់តាំងពីខែកុម្ភៈ នោះបានធ្វើឱ្យមានសម្ពាធកាន់តែខ្លាំងលើកីឡាករសញ្ជាតិសេណេហ្គាល់។ លោក Maresca ឥឡូវនេះបានបង្ហើបថាក្រុមតោខៀវនឹងឈានចូលក្នុងទីផ្សាររដូវក្តៅ ជាមួយនឹងការចុះហត្ថលេខាយកខ្សែប្រយុទ្ធថ្មីដើម្បីប្រជែងជាមួយ Jackson ។
ថ្លែងទៅកាន់ប្រព័ន្ធផ្សព្វផ្សាយ Maresca ត្រូវបានគេសួរថាតើការអភិវឌ្ឍន៍របស់ Jackson ទទួលបានផលលំបាកដោយសារខ្វះការប្រកួតប្រជែងឬយ៉ាងណា ហើយបុរសសញ្ជាតិអ៊ីតាលីរូបនេះបាននិយាយថា “ខ្ញុំមិនអាចឆ្លើយបានទេនៅពេលនេះព្រោះខ្ញុំមិនដឹងអំពីផ្នែកផ្សេងទៀត ប្រសិជាកីឡាករលេខ៩នៅទីនេះ។ ប្រាកដណាស់សម្រាប់យើងនៅក្នុងគំនិតផ្ទាល់ខ្លួនរបស់គាត់ គាត់បានរីកចម្រើននិងប្រសើរឡើងច្រើន។ ឥឡូវនេះប្រសិនបើកីឡាករលេខ៩ផ្សេងទៀតនៅទីនេះវាប្រសើរជាងសម្រាប់គាត់? ខ្ញុំមិនដឹងទេ”។
នៅពេលសួរថាតើគាត់ចង់ឱ្យអ្នកណាម្នាក់ផ្តល់ការប្រកួតប្រជែងសម្រាប់តំបន់ប្រយុទ្ធ ឬអត់ គាត់បាននិយាយថា៖ “១០០ភាគរយ”។
ទោះបីជាមានការតស៊ូយ៉ាងលំបាករបស់កល្ឹប Chelsea ក្នុងពាក់កណ្តាលរដូវកាលនេះក៏ដោយ ពួកគេក៏បានឡើងទៅវគ្គផ្តាច់ព្រ័ត្រ Europa Conference League ទល់នឹង Real Betis នៅថ្ងៃទី២៨ ខែឧសភា។ ការប្រកួតនេះនឹងក្លាយជាការសាកល្បងដ៏ធំមួយសម្រាប់ Jackson នៅពេលដែលពួកគេប្រឈមមុខនឹងបញ្ហា ខណៈដែលក្រុមតោខៀវសម្លឹងរកការបញ្ចៀសនូវរដូវកាលដែលគ្មានពានរង្វាន់មួយសោះ៕
