បរទេស៖ នេះបើយោងតាមការចេញផ្សាយរបស់ The Athletic បានអោយដឹងថាក្លឹប West Ham បានទទួលសំណើរមានតម្លៃ៥០លានផោនសម្រាប់កីឡាករ Mohammed Kudus ពី Spurs ប៉ុន្តែពួកគេបានបដិសេធសំណើរនេះ។ កិច្ចសន្យាបច្ចុប្បន្នរបស់ Kudus មានសុពលភាពរហូតដល់ឆ្នាំ២០២៨ ហើយកីឡាកររូបនេះត្រូវបាន រាយការណ៍ថាមានលក្ខខណ្ឌផ្តាច់កុងត្រាតម្លៃ ៨០លានផោនសម្រាប់ក្លឹបនៅតំបន់អឺរ៉ុប និង ៨៥លានផោនសម្រាប់ក្លឹបនៅ Premier League ហើយ ១២០លានផោនសម្រាប់ក្លឹបនៅអារ៉ាប៊ីសាអូឌីត។
នេះបើយោងតាមការចេញផ្សាយរបស់លោក Fabrizio Romano បានអោយដឹងថាទោះបីជាមានការបដិសេធដំបូងពី West Ham ក៏ដោយក៏ Spurs ត្រូវបានរំពឹងថានឹងដាក់សំណើរជាថ្មីម្តងទៀតសម្រាប់កីឡាករវ័យ ២៤ឆ្នាំ ខណៈដែលពួកគេប្តេជ្ញាចុះហត្ថលេខាលើគាត់បន្ទាប់ពីទទួលបានសញ្ញាពណ៌បៃតងពីអ្នកចាត់ការថ្មី Thomas Frank ៕
