បរទេស៖ នេះបើយោងតាមការចេញផ្សាយរបស់ Nicolo Schira បានអោយដឹងថាក្លឹប Manchester City និង Bayern Munich កំពុងតាមដានស្ថានភាពរបស់អ្នកចាំទី Gianluigi Donnarumma ដោយអ្នកចាំទីមិនទាន់សម្រេចចិត្តទៅលើការបន្តកុងត្រាថ្មីជាមួយក្លឹប PSG នោះទេ។
កីឡាករសញ្ជាតិអ៊ីតាលីដែលបច្ចុប្បន្នមានអាយុ ២៦ឆ្នាំនៅសល់កុងត្រា ១ឆ្នាំទៀតជាមួយក្លឹបជើងឯកបារាំង។ ក្លឹប Man City និង Bayern ត្រូវបានរាយការណ៍ថាកំពុងសម្លឹងមើលកីឡាករអ៊ីតាលីជាអ្នកស្នងតំណែងដ៏មានសក្តានុពលរបស់ Ederson និង Manuel Neuer រៀងៗខ្លួន ខណៈដែលក្លឹបទាំងពីរមានផែនការសម្រាប់ដំណាក់កាលបន្ទាប់នៅនុងនាយកដ្ឋានអ្នកចាំទីរបស់ពួកគេ៕
