ឧត្តរមានជ័យ៖ នៅថ្ងៃទី០៨ ខែមិថុនា ឆ្នាំ២០២៤ លោកឧត្តមសេនីយ៍ត្រី រៀម សរ ស្នងការរងសេនាធិការ តំណាងលោកឧត្តមសេនីយ៍ទោ ខូវ លី ស្នងការនគរបាលខេត្ត បានចូលរួមកម្មវិធីបើក និងបិទកម្មវិធីជិះកង់មិត្តភាព កម្ពុជា-ថៃ លេីកទី២ ឆ្នាំ២០២៤ ភាគីកម្ពុជាដឹកនាំដោយ ឯកឧត្តម អ៊ុន សុភ័ក្ត្រ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាលខេត្តឧត្តរមានជ័យ ភាគីថៃដឹកនាំដោយ ឯកឧត្តមអភិបាលខេត្តសុរិន្ទ , លោកអភិបាលរងខេត្តសុីសៈកេត , មេបញ្ជាកាកងកម្លាំងសុរៈណារី ក្នុងនោះភាគីទាំងពីរ បានជិះកង់រួមគ្នាចេញពីចំណុចច្រកទ្វារអន្តរជាតិអូរស្មាច់ សង្កាត់អូរស្មាច់ ក្រុងសំរោង ឆ្ពោះទៅកាន់សាលាស្រុកអន្លង់វែង និងបន្តទៅវិញតាមច្រកអន្តរជាតិអន្តរជាតិជាំរួចបន្តដំណើរទៅចំណុចទេសភាពស្ដេចគោព្រៃ ស្រុកភូស៊ិង្ហ ខេត្តស៊ីសៈកេត ប្រទេសថៃ ដើម្បីធ្វើពិធីបញ្ចប់ ដោយទទួលបានសន្ដិសុខ សុវត្ថិភាពល្អប្រសើរ មានការអញ្ជេីញចូលរួមដោយ ថ្នាក់ដឹកនាំកងកម្លាំង អង្គភាព មន្ត្រីរាជការពាក់ព័ន្ធ និងប្រជាពលរដ្ឋ ទាំងពីរប្រទេស សរុបចំនួន ១០២៩ នាក់ រថយន្ដ ៣០ គ្រឿង និងកង់ ៧១៩ គ្រឿង៕
