ភ្នំពេញ៖ ឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរ បានបង្ហោះសារនៅក្នុងបណ្តាញសង្គមថា៖
“ក្នុងនាមសហព័ន្ធកីឡាប្រដាល់គុនខ្មែរ ខ្ញុំសូមស្វាគមន៍លោកគ្រូ សឹង្ហ សារិទ្ធ ជាអតីតមន្ត្រីអាជ្ញាកណ្តាលចៅក្រមរបស់សហព័ន្ធ ដែលបានឈប់សម្រាកការងារមួយរយ:ធំដោយសារមានជម្ងឺប្រចាំកាយ (ទឹកនោមផ្អែម) រហូតដល់បាត់បង់ជើងម្ខាង អោយត្រលប់មកធ្វើការវិញតាមលទ្ធភាព និងវិជ្ជាជីវៈរបស់លោកគ្រូ។
សហព័ន្ធកីឡាប្រដាល់គុនខ្មែរ នឹងមិនបោះបង់ ឬទុកចោល ព្រឹទ្ធាចារ្យគុនខ្មែរទាំងឡាយ ក៏ដូចជាមន្ត្រីសហព័ន្ធចាស់ៗ ដែលមានគុណបំណាច់ចំពោះគុនខ្មែរនោះឡើយ។ យើងរួបរួមគ្នាថែរក្សា អភិរក្ស និងអភិវឌ្ឍន៍ កីឡាគុនខ្មែរ ដែលជាកីឡាអត្តសញ្ញាណជាតិយើង អោយល្បីល្បាញទៅកាន់ឆាកអន្តរជាតិ”៕
