ភ្នំពេញ៖ អ្នកចាត់ការក្លឹប Phnom Penh Crown លោក Oleg Starynskyi និយាយអំពីការប្រកួតជាមួយកងយោធពល ខ.ភ.ម ថា៖
“នេះគឺជាការប្រកួតប្រជែងដ៏ល្អមួយដែលយើងលេងជាមួយ Tiffy Army ។ ទោះបីជាពួកគេបានចាញ់ការប្រកួតដំបូងមែន យើងមិនបានផ្តោតលើការប្រកួតនោះទេ ព្រោះវាខុសគ្នាពីមួយប្រកួតទៅមួយប្រកួត ដូច្នេះយើងរំពឹងថានេះគឺជាប្រកួតល្អមួយ។ យើងក៏បានមើលការប្រកួតរបស់ពួកគេជាមួយព្រះខ័នរាជស្វាយរៀងផងដែរ ខ្ញុំគិតថាពួកគេសំណាងមិនល្អ។
យើងយល់ថាពួកគេមិនទាន់សុីចង្វាក់គ្នានៅឡើយ ដោយសារតែលោកគ្រូ សុភ័ក្ត្រា ជាប់រវល់ជាមួយក្រុមជម្រើសជាតិនាពេលកន្លងមក។ គាត់មានពេលតិចជាមួយក្រុម ប៉ុន្តែពីមួយប្រកួតទៅមួយប្រកួតក្រុមរបស់គាត់នឹងមានភាពប្រសើរឡើង។
គាត់នឹងធ្វើការកែប្រែក្រុម ហើយវាតែងតែពិបាកសម្រាប់យើងដែលមកលេងជាមួយពួកគេនៅកីឡដ្ឋាន ខ.ភ.ម នេះ”៕
