សឹង្ហបុរី៖ នៅក្នុងការប្រកួតរវាងក្រុមជម្រើសជាតិកម្ពុជា ជាមួយនឹងក្រុមសឹង្ហបុរី ក្នុងប្រកួតពានរង្វាន់ ASEAN Mitsubishi Electric Cup 2024 កាលពីថ្ងៃទី១១ ខែធ្នូ ឆ្នាំ២០២៤ ដែលបានបញ្ចប់ដោយក្រុមសឹង្ហបុរីបានយកឈ្នះ ២-១ លើក្រុមកម្ពុជា។
ក្នុងអំឡុងពេលនោះក៏មានកីឡាករ ២រូបរបស់ជម្រើសជាតិកម្ពុជាត្រូវបង្ខំចិត្តប្តូរចេញភ្លាមៗដោយសារតែបញ្ហារបួស ដោយមានកីឡាករ កាន់ ម៉ូ និង គឹម សុខយុទ្ធ។ មកដឹងស្ថានភាពរបស់កីឡាករទាំង ២រូប៖
១. កាន់ ម៉ូ បានប៉ះទង្គិចគ្នានៅផ្នែកក្បាល Head Concussion ហើយស្ថានភាពរបួសត្រូវទាមទារអោយដេរ ១០ថ្នេរ និងត្រូវបានស្កេនផ្នែកក្បាលដែលត្រូវបានការប៉ះទង្គិចដើម្បីត្រពិនិត្យ។ ពេលនេះគាត់កំពុងស្នាក់នៅបន្ទប់សង្គ្រោះបន្ទាន់ដើម្បីឱ្យគ្រូពេទ្យតាមដានស្ថានភាព។
២. គឹម សុខយុទ្ធ បានរងរបួសសរសៃពួរ Hamstring ដោយស្ថានភាពរបួសត្រូវបានស្កេន ដើម្បីឱ្យគ្រូពេទ្យត្រួតពិនិត្យស្ថានភាពរបស់គាត់៕
